„Војна“ во Италија: Почнаа обвинувањата за новиот неуспех на фудбалерите

01 април 2026 - 19:32

Италијанскиот министер за спорт Андреа Абоди кажа дека мора да почнат промените во Фудбалскиот сојуз на Италија откако земјата трет пат по ред остана без пласман на Светското првенство (СП).

Поразот на пенали од Босна и Херцеговина во финалето на баражот беше опишан како еден од најлошите моменти во историјата на италијанскиот фудбал, а Абоди го нападна претседателот на Фудбалската федерација на Италија, Габриеле Гравина.

„Очигледно италијанскиот фудбал мора повторно да се изгради од почеток, а тој процес да почне со промена во Фудбалскиот сојуз“, кажа Абоди.

Гравина претходно во соопштение јасно порача дека не планира да поднесе оставка од претседателската функција.

Фото: Facebook/Nazionale Italiana di Calcio