УЕФА ќе прави нови реформи во Лига на нации за да ги заштити големите!
„Скај Спорт“ објави дека во УЕФА сериозно се размислува за ваква реформа, под образложение дека во овој состав, повторно селекциите од највисокиот ранг имаат термин за пријателски меч, а поентата на Лигата на нации е комплетно да се укинат тие непродуктивни и неинтересни „контролки“.
Затоа во план на разработка е А-дивизијата да има по четири селекции во група, а не по три досега. УЕФА на ваква идеја дошла зашто на пријателските мечеви на германија со Србија и Перу во екот на Лигата на нации имало само 25.000 гледачи, а на првиот меч со Франција дури 67 илјади гледачи.
„УЕФА постојано разгледува низа опции за да го подобри натпреварувањето, вклучувајќи тука и промена на форматот на натпреварувања“, рекле од медија-дескот на УЕФА за „Скај Спорт“.
Според предлогот веројатно Германија, Исланд и Полска, кои испаднаа ќе опстанат и ќе останат во лигата, а сега групите би биле по четири, но тоа би значело дека испаѓање ќе избегнат и селекциите што требало да играат во Ц и Д дивизиите. За Македонија ваквата промена не би имала ефект, зашто црвено-жолтите се изборија за пласман во погорна дивизија, но може да значи дека Д-дивизијата би била скратена.
Засега нема детали од тоа како би изгледале комплетните реформи.