Тренерот на Валенсија откри што му кажал Роналдо по црвениот картон

20 септември 2018 - 09:29

Јувентус синоќа успеа да ја победи Валенсија на „Месталја“ со 0-2 во првото коло од групната фаза во Лигата на шампиони, но триумфот остана во сенка на црвениот картон на Кристијано Роналдо.

Главниот судија Феликс Брих по консултација со својот асистент реши да му даде директен црвен картон на Португалецот, а Роналдо не можеше да си поверува на очите, па со солзи го напушти теренот.

Ѕвездата на Јувентус била вознемирена при напуштањето на теренот, а при излегувањето од истиот, утеха добил и од тренерот на Валенсија, Марселино Гарсија.

„Не го видов инцидентот на Роналдо. Но, мора да признаам дека беше повреден и лут поради тоа што се случи, кога се доближи до мене, Роналдо плачеше и ми кажа дека ништо не направил. Тоа беше чудна ситуација, но во секој случај не беше убаво да се види во такво издание“, кажа тренерот на Валенсија.