Тренерот на Салцбург стана хит: Ова не е е*ен пријателски меч! (ВИДЕО)

04 октомври 2019 - 14:19

Ред Бул Салцбург ја воодушеви Европа, иако загубија од актуелниот европски шампион Ливерпул со 3-4 во второто коло од групната фаза во Лигата на шампиони.

Од 0-3, Салбург како гостин на „Енфилд“ израмни на 3-3, па постојано напаѓаа и играа одличен фудбал, но не успеаа да останат непоразени.

Сепак, хит на социјалните мрежи стана тренерот на Салцбург, Џеси Марш, кој имал неверојатен говор.

„Колку прекршоци направите? Можеби два. Ова не е е*ен пријателски меч. Ова е е*ен меч во Лигата на шампиони. Мора да играме посилно. Некогаш мора да бидете без милосни. Ајде момци, играме со премногу почит. Дали се тие добри? Да, но тоа не значи дека треба да бидеме нежни кон нив“, кажа Марш.