Струга против Жалгирис на дебито во квалификациите за ЛШ

Стружани добија неатрактивен противник, но избегнаа два големи фаворити како унгарски Ференцварош и бугарски Лудогорец, иако Жалгирис не е нималку лесен клуб за поминување. Првиот меч Струга ќе го игра на гости, а реваншот е седум дена потоа.

Жалгирис во изминатата сезона играше во групите во Конференциската лига со Базел, Слован Братислава и Пјуник, што беше нивни историски пласман после фантастични квалификации во кои минаа три рунди во ЛШ – Балкани, Малме и Бодо Глимт, а од Лудогорец загубија за пласман во Лига Европа.

Првиот меч е на програмата на 11/12 јули, а реваншот е седум дена подоцна на 18/19 јули.