Симоновски му даде гол на Феенорд, па холандскиот великан со пресврт до трето коло!

29 јули 2021 - 22:14

Поранешниот македонски младински репрезентативец Марко Симоновски вечерва му даде гол на холандскиот великан Феенорд, кој со тешки маки и пресврт успеа на крај да победи со 3-2 против косовска Дрита за да обезбеди пласман во третото коло во Конференциската лига.

После ремито без голови во Приштина, Дрита дојде на чекор до сензација откако Симоновски и Фазлиу за четири минути направија прв пресврт по раното водство на Феенорд за предност од 2-1 на паузата, но косовскиот тим не издржа во завршната четвртина од мечот, па Тил со два гола во 68-та и 90-та минута дојде до хет-трик за да го обезбеди триумфот.

Македонскиот репрезентативец милан Ристовски даде гол од пенал во рулетот против Сепси, за Спартак Трнава да ја продолжи евроавантурата со триумфот со 4-2 на пенали по регуларните 1-1.

Во трето коло оди и Ујпешт со Стефан Јевтовски после триумфот со 3-1 против Вадуц на гости, како и Жилина на Енис Фазлагиќ после ремито 2-2 со кипарски Аполон, па пресуди домашниот триумф со 3-1.

Во следно коло оди и летонска РФС каде член е Дарко Мицевски со вториот триумф против Академија Пушкаш со 2-0 на гости, откако дома триумфираа со 3-0, а и хрватска Риека, каде член е репрезентативецот Дарко Велковски кој не играше со тирумфот со 1-0 против Гизра