Шпанците гневни поради играта на Шкотска: Ова не е фудбал, ова е ѓубре!

29 март 2023 - 15:21

Репрезентацијата на Шкотска ја изненади Шпанија (2-0) во второто коло од квалификациите за Европското првенство (ЕП), а капитенот на „црвената фурија“ Родри ги критикуваше ривалите.

Фудбалерот на Манчестер сити го критикуваше стилот на игра на Шкотска.

„Тие имаат таков стил и тоа мора да го почитуваш, но тоа не е фудбал, тоа е ѓубре. Секогаш трошат време, провоцираат и паѓаат. Судијата мораше да интервенира“, вели Родри.

По две одиграни кола Шкотска е прва со шест бодови, по што следи Шпанија со три, а Норвешка и Грузија имаат по еден бод. Кипар е последен во групата без освоен бод.