Шкотски навивач помина 1.609 км за да стигне на ЕП во Германија

Навивач на шкотската репрезентација пристигна на Европското првенство (ЕП) во Германија откако пешачеше 1.609 километри од Шкотска до местото каде што се одржува турнирот на кој 24 репрезентации ќе се борат за пехарот.

Крег Фергусон го почнал патувањето на 4 мај од Глазгов со цел да собере средства за хуманитарна организација, а притоа поминал низ неколку држави пред да стигне во Минхен.

Фергусон беше пречекан од новинарите и останатите фанови, а за својот пат од Шкотска до Германија собра вкупно 51.000 фунти.