Навивачи на Ливерпул ја тужат УЕФА поради финалето во ЛШ

24 септември 2022 - 16:29

Повеќе од 1.700 навивачи на Ливерпул ја тужат Европската куќа на фудбалот, УЕФА поради хаосот кој настана пред почетокот на финалето во Лигата на шампионите годинава.

Почетокот на натпреварот доцнеше 35 минути, бидејќи голем број на навивачи на Ливерпул не можеа да влезат на стадинот „Стад де Франс“ во Париз. На влезовите настана хаос, кога некои несовесни навивачи се обидуваа да влезат без влезници и се прекачуваа преку оградите, а многу фанови на Ливерпул беа жртви на крадци. 

Полицијата интервенираше и настана хаос во кој беа повредени и навивачи на „црвените“ кои имаа купено билети и не успеаа да влезат да го гледаат натпреварот. 

Сега околу 1.700 од нив покренаа тужба против УЕФА за психички и физички повреди поради лошата организација на натпреварот одигра на 28 мај годинава. 

Ливерпул го загуби финалето од Реал Мадрид со минимални 1-0.