На Гатузо не му пречи теренот во Зеница: Со Хајдук игравме и на полоши

30 март 2026 - 21:44

Теренот на стадионот Билино Поље во Зеница последните денови беше главна тема во италијанските медиуми, а незадоволство од неговата состојба изразија и репрезентативците на оваа земја.

Со нив, сепак, не се согласува селекторот Џенаро Гатузо кој на денешната прес-конференција ги спушти и своите фудбалери и новинарите.

„Мислам дека теренот е само алиби и изговор. Ако е грд за нас и за противникот, мора да играме и да не размислуваме за тоа. Што се однесува до теренот, тоа може да помине. Минатата година поминав време низ градот и играв со Хајдук на полоши терени од овој. Мора да размислуваме за противникот и да играме, но да не размислуваме за теренот“, рече Гатузо.

БиХ и Италија утре во директен дуел одлучуваат кој ќе патува на Мундијалот. За двете селекции, последен беше настапот во 2014 година на првенството што се одржа во Бразил.