Манчестер сити нема да може да ги пријави сите засилувања во Лигата на шампионите

04 февруари 2025 - 16:14

Maнчестер сити по резултатската криза во првиот дел од сезоната го искористи јануари за сериозно да се засили, „граѓаните“ потрошија 212 милиони евра, но нема да можат сите засилувања да ги користат во плеј-офот од Лигата на шампионите.

Избраниците на Пеп Гвардиола со многу проблеми ја поминаа нокаут фазата во Лигата на шампионите, а ниту во Премиер лигата не им оди најдобро, па пласманот во елитното натпреварување следната сезона им е под знак прашалник.

Во таква ситуација раководството доведе четири засилувања во јануари. Пристигнаа: Витор Реис, Омар Мармуш, Нико Гонзалес и Абдукодир Хусанов, а за нив потрошија 212 милиони евра.

Но, еден од нив нема да може да биде регистриран во Лигата на шампионите. Причината е малку познатото правило според кое една екипа може да регистрира тројца нови фудбалери помеѓу лигашкиот дел и нокаут фазата.

Исто така правилото останува на сила без оглед на што Кајл Вокер си замина и потпиша за Милан. Во плеј-офот за место во осминафиналето, Манчестер сити го чека двомеч со Реал Мадрид.