Jувентус обинет за лажирање податоци, УЕФА отвори постапка

16 октомври 2025 - 19:37

Eвропската куќа на фудбалот, УЕФА отворила истрага против италијански Јувентус за кршење на финансискиот фер-плеј, а тоа може да резултира со казна за „старата дама“.

Италијанските медиуми пренесуваат дека Јувентус би можел да биде казнет со забрана за доведување на нови фудбалер во текот на сезоната 2026/2027, а обвинет е за лажирање на годишниот биланс за финансиската година која завршува на 30 јуни 2025 година.

Инаку, во УЕФА веќе има две постапки против Јувентус за потенцијални кршење на правилата кои се однесуваат за сезоните 2022/2023 и 2024/2025.

Според најавите исходот од истрагата треба да биде објавен во март следната година. Јувентус во својата реакција потенцира дека во овој момент повеќе нема прекршоци.