Ирските фудбалери не сакаат да играат против Израел!

Во отворено писмо до Фудбалската асоцијација на Ирска (ФАИ), тие го обвинуваат Израел за соучество во геноцидот во војната во Газа и за кршење на статутите на УЕФА и ФИФА со тоа што им дозволи на клубовите да играат на окупирана палестинска територија.

Ирска треба да биде домаќин на Израел на 4 октомври на стадионот Авива во Даблин. Во писмото, насловено како „Стоп на играта“, се бара натпреварот да не се игра. Меѓу потписниците, покрај фудбалерите од Лигата на Ирска, се и поранешниот тренер Брајан Кер и бројни луѓе од јавниот живот, вклучувајќи го и актерот номиниран за Оскар, Стивен Риа.

Во писмото е вклучена и изјава од капитенот на Шамрок Роверс и претседател на Здружението на професионални фудбалери на Ирска, Роберт Лопес. 

„Не можеме да ја игнорираме хуманитарната катастрофа во Палестина; загубата на толку многу животи мора да биде пред сите спортски размислувања. Ирска има можност тука да ја преземе водечката улога и да го направи она што другите не се осмелуваат да го направат“, рече Лопес.

Ирскиот премиер Михаел Мартин рече дека двата натпревари против Израел треба да се одржат. 

„Бевме критични и многу силно се спротивставувавме на политиките на израелската влада, особено во Газа. Го осудивме нападот на Хамас врз Израел, кој беше апсолутно ужасен. Мислам дека спортот може да стане предизвикувачка област кога се вклучува во политиката“, изјави премиерот за „Ајриш тајмс“.

Извршниот директор на ФАИ, Дејвид Курел, уште во февруари изјави дека националниот тим нема друг избор освен да ги исполни своите обврски. Во спротивно, предупреди тој, постои ризик од оштетување на долгорочните спортски интереси на ирскиот фудбал, што вклучува и можна дисквалификација од идните натпреварувања.