Во Ливерпул кој дал три гола победил, само Салцбург – не успеа (ФОТО)

03 октомври 2019 - 07:30

Ред Бул Салцбург цела една деценија се мачеше да влезе во Лигата на шампионите и не успеваше, а секогаш балкански екипи им беа пречка да ја дофатат елитата. Прво Динамо Загреб, па Риека, па Црвена Звезда и на крајот успеаа да се пласираат директно благодарение на лондонски Тотнем, кој со пласманот во финалето им овозможи место во елитата без квалификации.

И Салцбург во воведните две кола игра импресивно и тоа напаѓачки. Откако го понижија Гент со 6-2, сега успеаа на „Енфилд роуд“ кај актуелниот европски првак да дојдат на чекор до голем бод. Имаа негатива од три гола, стигнаа до 3-3, но на крајот четата на Јирген Клоп победи со 4-3.

Ако ништо друго „биковите“ од Салцбург влегоа во друштво на Барселона, Челси и Реал Мадрид. Само овие три клуба успеале на „Енфилд“ да му дадат три гола на Ливерпул. Но, разликата е што Салцбург е прв што после три дадени гола против „црвените“ не успеал да победи.

Инаку последен пат кога Ливерпул примил три гола дома е во октомври 2014 година или пред точно пет години. Тогаш во меч во Лигата на шампионите, Реал Мадрид славел со 3-0.