Челси продолжи да маршира во Конференциската лига (ВИДЕО)

13 март 2025 - 23:23

Екипата на Челси ја потврди фаворитската улога во Конференциската лига и продолжи со максималниот ефект во ова натпреварување, ако не се сметаат квалификациите каде доживеа пораз од Сервет.

Лондонските „сини“ вечерва не се потрошија многу, но сепак го совладаа Копенхаген со 1-0 и со вкупни 3-1 обезбедија пласман во четвртфиналето. Кирнан Дјузбери Хол го постигна победничкиот погодок за Челси кој имаше и малку несериозен пристап на овој натпревар.

Во четвртфиналето, Челси ќе се сретне со подобриот од пресметката меѓу Легија и Молде кои играат продолженија, а се чини дека до финалето, премиерлигашот нема сериозен ривал.