Бизарна сцена во Зеница: Селекторот на Австрија на клупа пристигна со - велосипед (ВИДЕО)

09 септември 2025 - 21:51

Репрезентациите на БиХ и Австрија вечерва го Зеница го играат дербито на својата група, а пред почетокот на мечот, гледачите на Билино Поље останаа шокирани од постапката на гостинскиот селектор.

За разлика од сите тренери и фудбалери кои се движат „пешки“, Ралф Рангник до клупата на својата репрезентација пристигна со велосипед преку целиот терен. Гледачите на трибините не можеа да веруваат што гледаат, па некои тоа го испратија со громогласно смеење, а некои со свирежи.

Сепак, нешто подоцна стигна објаснување. Поради повреда на ногата, Рангник не можел да го изоди целиот терен, па полесно му било тоа да го направи со велосипед.