Барселона му врти грб на Флорентино Перез - ќе се откаже од Суперлигата

03 октомври 2025 - 08:42

Раководството на Барселона сериозно размислува наскоро да се откаже од проектот „Суперлига“ во кој клубот остана осамен со Реал Мадрид откако останатите европски клубови се откажаа по големите политички и фудбалски притисоци.

Идејата за вакво натпреварување, кое ќе го водат клубовите, а не УЕФА, беше актуелно повеќе од пет години, но на крајот останаа само шпанските гиганти. Сега од него ќе излезе и Барселона која последните месеци ги затопли односите со УЕФА и не сака повеќе да ѝ прави проблеми на оваа организација.

УЕФА ѝ излезе во пресрет на Барселона по неколку важни прашања, пред се во врска со стадионот имајќи предвид дека Камп Ноу уште не е подготвен, а европската фудбалска унија дозволи, евентуално, каталонскиот клуб да се врати таму ако објектот биде завршен пред крајот на првата фаза од Лигата на шампионите што обично не беше дозволено.