Алисон за новиот формат во ЛШ: Никој не сака да го слушне нашиот став!

17 септември 2024 - 18:19

Пред почетокот на новиот формат на Лигата на шампиони (ЛШ), голманот на Ливерпул, Алисон Бекер кажа дека никој не побарал мислење од фудбалерите за зголемениот број на натпревари.

Фудбалерите немаат доволно време да се рехабилитираат поради густиот распоред и често се повредуваат, а Алисон вели дека досега никој не ги прашал што мислат за натпреварите.

„Никој не ги прашува фудбалерите што мислат за дополнителниот број натпревари. можеби нашето мислење не се смета, но сите знаат што мислиме за тоа дека имаме повеќе натпревари“, кажа Алисон.