Манчестер јунајтед му украде талентиран фудбалер на Арсенал

28 јануари 2025 - 15:20

Еден од најталентираните стопери во својата генерација, Ејден Хевен си заминува од Арсенал и се сели во Манчестер јунајтед.

Новинарот Фабрицио Романо објави дека е постигнат договор меѓу двете страни, а договорени се и медицински прегледи за младиот фудбалер.

Хевен претходно одбил понуда за нова соработка со „топчиите“, а исто така не сакал да потпише ниту за Ајнтрахт Франкфурт.

Младиот фудбалер може да игра на позицијата лев бек и централен дефанзивец, па дефинитивно ќе биде од корист за „ѓаволите“.