Засилување за Барселона: Конечно се врати Ансу Фати

18 септември 2024 - 16:06

Напаѓачот на Барселона, Ансу Фати конечно доби зелено светло да се врати на терените.

Барселона на својот официјален сајт потврди дека лекарскиот тим одобрил враќање на Фати и тој ќе конкурира за настап кој би бил прв под водство на Флик.

Фати ќе биде на списокот патници за Монако на отворањето на новата сезона и тоа ќе биде негово повратничко деби по позајмицата од Брајтон каде што исто така имаше проблеми со повредите.

Фати е дете на Барселона и дебитираше под водство на Ернесто Валверде, но од ноември 2020 година започнаа неговите проблеми со повредите.

Шпанските медиуми пренесуваат дека Флик очекува да го врати во старата фрома и во него гледа потенцијално вреден играч за долгата сезона.