Во чест на Хесус де Мигел: Сите натпревари на УЕФА ќе почнат со минута молк

Почит кон трагично починатиот фудбалер ќе биде оддадена во вторник и среда на натпреварите од Лигата на шампионите, а во четврток и на дуелите од Лигата на Европа и Конференциската лига. Со едноминутно молчење ќе започнат и натпреварите од другите натпреварувања под капата на УЕФА, вклучувајќи ја и младинската Лига на шампионите.

Европската фудбалска куќа се огласи и на социјалните мрежи, истакнувајќи дека европскиот фудбал е во жалост, а упати и сочувство до семејството, пријателите и соиграчите на починатиот фудбалер.

„Длабоко сме потресени од смртта на Хесус де Мигел Аламеда“, порача претседателот на УЕФА, Александер Чеферин.

Триесетгодишниот напаѓач се здоби со тешки повреди на натпревар од втората шпанска лига меѓу Тенерифе и Андора, по судир со голманот Хесус Овоно. Ударот предизвика срцев и респираторен застој, а и покрај напорите на лекарите, Де Мигел не успеал да се опорави и почина утрово.

🖤 The European football community is mourning the loss of @CDTOficial forward Jesús de Miguel Alameda.   We extend our deepest condolences to his family, friends and teammates during this incredibly difficult time.   A moment of silence will be observed at all UEFA matches this week in his memory. 🔗 https://t.co/F6FnR3UKMX

— UEFA (@UEFA) November 3, 2026