„Уживав во секоја секунда – прекрасно искуство“
Андоновски пред неполн месец ја презема американската селекција и тргна победнички, откако двапати беше избран за најдобар тренер во САД во женски фудбал, а на селекторската клупа доаѓа откако речиси сите репрезентативки едногласно посочиле дека тој е идеалниот за наследник на Џил Елис, која летово ја донесе четвртата светска титула.
„Возбудливо, забавно – уживав! Уживав во секоја секунда. Уживав во секој тренинг, уживав во гледањето на видеа, на интеракцијата со фудбалерките, со стручниот штаб, со секој посебно од нив. Ова е е едно поинакво ниво“, рече Андоновски после дебито на клупата на светскиот шампион.
Македонскиот тренер, кој во 2000 година ја напушти Македонија и се пресели во САД, иако победнички тргна, експресно посочи што го изнервирало на мечот – двата примени гола. Американките имаа убедливи 3-0 за половина час и потоа – застанаа.
„Победа си е победа! Бев возбуден за тимот, за дебито, а и девојките беа возбудени за мене. Севкупно, прекрасно искуство. Драго ми е за победата, ама одма да бидеме на чисто – не сум среќен што примивме два гола. Дефинитивно после 3-0 не сакав да видам резултат 3-2. Сега единствената работа е како да ги поправиме тие два гола. Сите што ме знаат, знаат дека не сум среќен кога ќе примиме еден“, додаде Андоновски по дебито како селектор на САД.
Welcome to the Andonosvki era. ? pic.twitter.com/4F96pkGPj8
— U.S. Soccer WNT (@USWNT) November 7, 2019