Скандал ја тресе ФИФА: Инфантино под истрага поради политичка пристрасност?

09 декември 2025 - 20:25

ФИФА му додели награда за мир на американскиот претседател Доналд Трамп, а тоа предизвика голем број реакции во светот на спортот, но и политиката.

Невладината организација „ФерСквер“ поднесе пријава до Етичкиот одбор на ФИФА против претседателот Џани Инфантино поради кршење на политичката неутралност.

Пријавата вклучува и барање за истрага за доделувањето на наградата за мир на американскиот претседател.

„ФерСквер“ тврди дека Инфантино повеќе пати јавно го поддржал Трамп и неговата политика, а притоа лобирал за да му биде доделена Нобеловата награда за мир.

Организацијата смета дека такви изјави се неприфатливи и поради тоа бара мерки за првиот човек на ФИФА.

Фото: EPA