Познати четири двојки за нокаут-фазата на СП: БиХ и Бразил веќе си ги знаат ривалите!

По комплетирањето на групите А до Ф, пласман понатаму обезбедија Мексико, САД, Германија, Аргентина, Франција, Норвешка, Колумбија, Швајцарија, Канада, Бразил, Мароко, БиХ, Јужна Африка, Брегот на Слоновата Коска, Еквадор, Холандија, Јапонија, Шведска и Австралија. Истовремено, веќе се познати и првите четири дуели од шеснаесетина финалето и тоа Јужна Африка против Канада, Холандија со Мароко, САД против БиХ и Бразил со Јапонија.

Останатите патници во нокаут-фазата и преостанатите двојки ќе бидат познати по натпреварите во следните два дена, со кои ќе биде комплетирана групната фаза на турнирот. Првата пресметка од нокаут-фазата е закажана за в недела од 21 часот, кога силите ќе ги одмерат Јужна Африка и Канада.