Поранешна ѕвезда на Севилја го постигна голот на годината – со ножички од 15 метри (ВИДЕО)

На натпреварот помеѓу екипите на Монтереј и Тихуана, аргентинскиот интернационалец изведе спектакуларни ножички со кои ги воодушеви љубителите на фудбалот ширум светот, иако средбата на крајот сепак заврши без победник (3-3). Неверојатниот потег на некогашниот играч на Севиља и Марсеј се случи во 57. минута од средбата, кога Аргентинецот одлично дочека центаршут од десната страна и со удар со ножички од околу 15 метри го погоди горниот агол од голот, предизвикувајќи вистински делириум на трибините.

Овој погодок му донесе предност на Монтереј од 3-2 во тој момент, но резултатот на семафорот до крајот на мечот се промени по израмнувачкиот гол на гостите. И покрај ремито, видеото од мајсторијата на Окампос експресно ја обиколи планетата и со право се смета за еден од најубавите голови постигнати во 2026 година.