Некогаш играше за бразилски гиганти, денес живее на улица: Подобро да мислат дека сум мртов

05 септември 2026 - 07:20

Режис Питбул некогаш беше познато име во бразилскиот фудбал и во текот на кариерата играше за дури 13 клубови во Бразил, а меѓу најпознатите беа Коринтијанс и Васко да Гама.

Настапуваше и надвор од татковината во Турција за Газиантепспор, во Португалија за Маритимо, како и во Јужна Кореја за Деџон. Играше на позициите играч за врска и крилен напаѓач, а професионалната кариера ја заврши во 2013 година. Денес, на 49 години, неговиот живот изгледа целосно поинаку.

„Најдобро е сите да мислат дека сум мртов. Воопшто не сакам луѓето да знаат дека постојам“, изјави Питбул во краткиот разговор за бразилските медиуми.

Поранешниот фудбалер со години се бори со тешка зависност од крек што е исклучително силна форма на кокаин. Зависноста довела до тоа да го изгуби домот, а денес живее како бездомник на улиците на Сао Паоло и Пиритуба, каде што се обидува да најде храна и најосновни средства за живот.

Питбул останал без покрив над главата поради неплатени станбени обврски и даноци. Сè уште поседува еден имот, но во моментов не може да влезе во него бидејќи трае судска постапка поврзана со долговите. Проблемите дополнително ескалирале минатата година кога го нападнал управителот на зградата, по што бил уапсен.

„Некои навивачи сакаат да ми помогнат. Сè уште сум голем љубител на Коринтијанс, па со задоволство се сеќаваат на мене“, откри Питбул.

Во едно кафуле кое често го посетува го користи тоалетот и го полни мобилниот телефон, а понекогаш добива и оброк кој му го плаќаат поранешни соиграчи.

„Сакам да останам таму каде што се чувствувам сигурно. Не сакам никој да ме вознемирува. Ако сакав да разговарам, ќе отидев на пазар“, раскажа поранешниот фудбалер.

Неговиот живот водел сосема поинаков живот.

„Некогаш возев БМВ и имав камион. Јадев убави стекови... Имав пари, но сите ме познаваа, па не морав да плаќам. Денес е лудо и само да замислам таков живот.“

Така од професионален фудбалер кој играше за големи бразилски клубови, имаше пари, автомобили и живот за кој многумина можеле само да сонуваат, Питбул денес е човек кој се бори за најосновните работи, храна, покрив над главата и малку мир.