На Манчини му се погодија арапските милиони – сега потпиша за тим од Катар!

13 ноември 2025 - 14:29

Поранешниот селектор на Италија и на Саудиска Арабија, Роберто Манчини, кариерата ќе ја продолжи во Катар, откако официјално потпиша две и пол годишен договор со екипата на Ал Сад од Доха.

Искусниот стратег беше без ангажман откако си замина од клупата на С. Арабија. Неговата богата тренерска кариера вклучува два мандати во Интер, како и работа во Фиорентина, Лацио, Манчестер сити, Галатасарај и Зенит. Со италијанската национална селекција триумфира на Европското првенство (ЕП) во 2021 година, кога во финалето на „Вембли“ неговите избраници ја победија Англија по изведување пенали.

Ал Сад е најуспешниот катарски клуб, со освоени 18 шампионски титули, вклучувајќи ги и последните две во низа.