Модриќ го помина Рамос, пред него се само Меси и Роналдо

Легендарниот плејмејкер дебитираше на 1 март 2006 година, а вечерва го помина Серхио Рамос и се искачи на третото место на листата на фудбалери по бројот на настапи во репрезентацијата. Рамос остана на 179, додека пред Модриќ се само Лионел Меси со 187 и апсолутниот рекордер Кристијано Роналдо со 214. Хрватскиот репрезентативец до новото достигнување дојде на еден ден пред својот 39. роденден.

Со оглед на тоа што се уште не размислува за пензија и неодамна изрази желба да игра на Светското првенство во 2026, не е исклучено Модриќ да стигне и до 200 натпревари во националниот тим.