Меси од слободен удар го почна походот кон „илјадарката“ (ВИДЕО)

23 март 2026 - 08:13

Откако на средината од минатата недела стигна до 900. гол во кариерата, најдобриот фудбалер на сите времиња Лионел Меси синоќа ја почна и новата „стотка“.

Својот 901. гол го постигна на гостувањето кај Њујорк Сити каде Интер Мајами славеше со 3-2 и тоа со пресврт. При водство на домаќинот со 2-1, аргентинскиот ас погоди за израмнување, а потоа Микаел се погрижи за победа на екипата од Флорида. За Меси тоа беше 71. гол од слободен удар во кариерата со што се доближи на само седум до светскиот рекорд.

 

 

Сега тој се насочува на настапите на аргентинската репрезентација со која претстојните денови ќе игра против африканските аматери Мавританија и Замбија во Буенос Аирес.