Гвардиола со јасна порака до Грилиш: Мора да се бори самиот со себе

06 јануари 2025 - 16:31

Манчестер сити конечно успеа да врзе две победи во низа по подолго време, но еден фудбалер не може да биде задоволен од минутажата.

Имено, Џек Грилиш бидејќи не е физички подготвен прво не беше во составот за натпреварот со Евертон, потоа средбата со Лестер ја гледаше од клупата, додека со Вест Хем одигра само седум минути.

На негово место повеќе минутажа добива Савињо кој во тие три дуели беше помеѓу најдобрите поединци на теренот и во нив постигна гол и подели три асистенции.

Ниту тренерот Гвардиола не криеше дека Савињо во овој момент има предност и испрати јасна порака до Грилиш.

„Мора да се бори со самиот себе. Савињо во овој момент е во подобра форма и игра пред него. Го сакам „стариот Џек“, мора да се бори за својата позиција. Секој ден, секој натпревар, секоја недела“, изјави Гвардиола.