Дориан Бабунски се збогува со Грасхоперс! (ФОТО)

07 јануари 2025 - 22:12

Македонскиот напаѓач, Дориан Бабунски веќе не е дел од составот на швајцарскиот клуб, Грасхоперс.

Бабунски летото 2023 година од Дебрецин премина во Грасхоперс. Почна добро во швајцарскиот тим, но стигнаа повреди, пад на формата, по што го загуби местото.

Оваа сезона има само два настапи во швајцарската Суперлига, еднаш играше во купот каде што даде гол.

Сега тој е слободен играч и како таков ќе ја одбере следната дестинација.