Франција остана без капитенот на младата селекција, ќе игра за друга репрезентација!

15 мај 2026 - 07:40

Репрезентацијата на Франција вчера го објави списокот на играчи на кои селекторот Дидие Дешан смета за претстојното Светско првенство, а на него го немаше младиот Ајуб Буади.

Станува збор за 18-годишниот суперталентиран играч за врска на Лил, кој сезонава настапуваше во одлична форма и беше капитен на младата репрезентација на Франција.

Причината за неговото отсуство од списокот е одлуката во иднина да го носи дресот на Мароко, што за мароканската селекција претставува големо засилување пред настапот на Мундијалот.

Овие информации ги потврди и добро информираниот новинар Санти Ауна, кој открива дека Буади веќе го следат и неколку европски фудбалски гиганти.

Сезонава за Лил одигра 41 натпревар во кои запиша една асистенција. 

Фото: LOSC