Флик во проблем: Барса без Јамал тргнува во ЛШ

16 септември 2025 - 15:50

Eкипата на Барселона в четврток против Њукасл ја стартува новата сезона во Лигата на шампионите, а во овој натпревар каталонскиот гигант ќе биде сериозно ослабен.

Имено, тренерот Ханси Флик нема да го има на располагање еден од своите најважни фудбалери, Ламин Јамал.

Јамал го  пропушти неделниот натпревар против Валенсија, но германскиот стратег веруваше ддека ќе го има на располгање за стартот од новата сезона во најелитното европско натпреварување, сепак, тоа нема да се случи.

Рехабилитацијата на младиот фудбалер не одела според очекувањата и шпанскиот репрезентативец и денеска не одработил тренинг заедно со остатокот од тимот, тренирал индивидуално.

Натпреварот против Њукасл, Барселона го игра во терминот од 21:00 часот.

Фото: FC Barcelona/X