Џејми Варди ќе го гледаме во Серија А!

Италијанските медиуми пренесуваат дека трансферот на ветеранот во Креомонезе е речиси договорен и преостануваат да бидат потврдени само уште одредени детали.

Варди е без клуб од крајот на сезоната кога го напушти Лестер и ако не се случи некој пресврт за него ова ќе биде прв ангажман во Серија А.

Кога е Кремонезе во прашање, овој тим одлично ја стартуваше сезоната и славеше победа над Милан со 2-1 во првото коло.

Дресот на Лестер, Варди го носеше цели 13 години и стана вистинска икона на овој клуб, а најмногу ќе се памети по тоа што беше еден од лидерите кога овој тим ја освои сензационалната титула во Премиер лигата во 2016 година.

Фото: Leicester FC/X