Ливерпул ќе го урне клупскиот рекорд само за да го добие Исак

29 август 2025 - 09:27

Актуелниот англиски шампион Ливерпул не се откажал од намерата да го добие потписот на шведскиот напаѓач Александар Исак, но за тоа ќе мора да потроши околу 140 милиони евра, што значи дека ќе го урне клупскиот рекорд за најскап трансфер.

Ливерпул претходниот рекорд го постави со ангажирањето на Флоријан Вирц, за кого плати 125 милиони евра, меѓутоа овој пат тимот на Арне Слот е подготвен да оди уште подалеку и да испрати повисока понуда.

„Црвените“ претходно понудија околу 130 милиони евра, но добија негативен одговор од „Сент Џејмс Парк“, па сега се надеваат дека ќе го убедат Њукасл да им го продаде најдобриот напаѓач.

Исак претходно јавно објави дека не сака да остане во Њукасл и негова желба е да го облече дресот на Ливерпул.

Фото: Facebook/Newcastle