Вардар против Шкупи во Струмица ќе го отвори четвртото коло во Првата лига

29 август 2025 - 11:32

Најтрофејниот македонски фудбалски клуб ќе се соочи против Шкупи на стадионот „Младост“ во Струмица во четвртото коло од Првата македонска фудбалска лига (ПМФЛ).

Поранешниот шампион Шкупи се соочува со тешки времиња, па остана и без стадионот во Чаир поради пропусти, по што реши да биде „домаќин“ во Струмица на Вардар кој ќе ја брка третата победа во македонскиот шампионат.

Шкупи по три одиграни кола се наоѓа на дното на табелата, а остана и без голем број на поранешни првотимци, па ги очекува уште еден тежок меч против „црвено-црните“.

Натпреварот меѓу Шкупи и Вардар се игра денеска на стадионот „Младост“ од 16.30 часот.

Распоред - 4. коло - ПМФЛ:

29.08. (петок)
Шкупи – Вардар

30.08. (сабота)
Арсими – Силекс
Башкими – Струга

31.08. (недела)
Македонија ЃП – Пелистер
Работнички – Шкендија
Тиквеш – Брера Струмица