Миовски денеска во Париз ќе го финишира трансферот во Ренџерс!

29 август 2025 - 10:38

Македонскиот репрезентативец Бојан Миовски му се враќа на шкотскиот фудбал, каде што ќе игра за еден од најтрофејните клубови, а тоа е екипата на Ренџерс.

Миовски денеска во Париз треба да ги комплетира медицинските прегледи по што ќе ја напушти Жирона и ќе го облече дресот на шкотскиот гигант.

Ренџерс за услугите на Миовски ќе плати 2,8 милиони евра веднаш и дополнителни пет милиони преку бонуси, односно целосната сума на трансферот ќе изнесува 7.8 милиони евра.

Миовски играше со многу успех за Абердин од 2022 до 2024 година пред да се пресели во Жирона.