Шок во Истанбул: Фенербахче го избрка Мурињо!

29 август 2025 - 09:56

Португалскиот тренер Жозе Мурињо ќе треба да си бара нов клуб, откако турскиот гигант Фенербахче го отпушти по поразот од Бенфика во плејофот за Лигата на шампиони (ЛШ).

Управата на турскиот тим не беше задоволна со резултатот на Фенербахче, кој остана без место во најелитното клупско натпреварување на УЕФА, па поради тоа сметаше дека најдобро е да се раздели со Мурињо.

Мурињо пристигна минатата сезона во Истанбул, меѓутоа не успеа со Фенербахче да стигне до титулата во турскиот шампионат.

Оле Гунар Солшер, исто така, доби отказ од Бешикташ по лошите резултати на турската екипа.

Фото: Facebook/Fenerbahçe