Две легенди на Арсенал во битка за позицијата спортски директор

09 ноември 2024 - 14:22

Aрсенал наскоро ќе остане без спортскиот директор, Еду Гаспар кој беше еден од најважните луѓе во клубот во изминатиот период. Поранешниот фудбалер беше еден од најзаслужните за напредокот на Арсенал под водство на шпанскиот стратег, Микел Артета.

Пред пет години Еду пристигна во Арсенал како технички директор, а од пред две години премина на функцијата спортски директор. Во кариерата Еду играше за Коринтијас, Арсенал и Валенсија, а за Бразил собра 15 настапи.

Раководството на клубот веќе тргна во потрага по негов наследник, а според информациите во конкуренција се добро познати имиња за навивачите.

Двајца кандидати се Пер Мертезакер и Томаш Росицки. Со Росицки челниците на клубот наводно веќе ги оствариле првите разговори и наскоро тоа би требало да се случи со Мертезакер.

Росицки од 2018 година е спортски директор на Спарта Прага, додека Мертезакер со години е дел од младинскиот погон на Арсенал.