Детенце предизвика овации среде Брисел само затоа што носеше - хрватско знаме! (ВИДЕО)

17 јули 2018 - 10:20

Хрватска допрва ќе станува свесна колкав респект доби во очите на светската јавност, благодарение на фудбалската репрезентација, која заврши сребрена на СП. Меѓу многуте докази за тоа е и една случка во Брисел, која ќе ве наежи.

На видеото се гледа како трочлено хрватско семејство се шета низ Брисел, напред таткото и детето, назад мајката снима. Детето носи хрватско знаменце во раката, па кога дојдоа во дел од улицата со повеќе кафулиња и маси наоколу и кога беше невозможно некој да не ги забележи, почна еуфоријата.

Прво како аплауз и викање за одобрување, а набргу како овации на стадион сите го поздравија детето само затоа што носеше хрватско знаме. Ваква реклама не купуваат ни милиони евра.