Чалханоглу се повреди, го чека пауза

14 јануари 2025 - 12:22

Фудбалерот на Интер, Хакан Чалханоглу ќе отсуствува од терените две до три недели поради повреда, објавија италијанските медиуми.

Чалханоглу се повреди минатата недела во финалето од Суперкупот на Италија и по половина час мораше да го напушти натпреварот против Милан.

Поради истегнување на бутнот мускул, Чалханоглу тренираше одвоено од екипата, но се пожали и на болка во листот, а деталните прегледи покажале дека ќе мора да паузира.

„Скај Италија“ објави дека се очекува турскиот фудбалер да паузира две до три недели и поради тоа ќе ги пропушти натпреварите со: Болоња, Емполи, Спарта прага и Лече, а веројатно и натпреварот со Монако во Лигата на шампионите кон крајот на месецот.