Барбарез искрен: Треба да бидеме реални - имавме среќа

12 јуни 2026 - 23:52

По ремито против Канада, селекторот на фудбалската репрезентација на Босна и Херцеговина, Сергеј Барбарез нагласи дека резултатот е реален иако призна дека можел да биде многу полош за неговиот тим.

Тој нагласи дека ова е добар бод пред следната фаза од натпреварувањето и дека БиХ треба да се обиде да ги добие следните натпревари против Швајцарија и Катар.

„Кога остануваат десет минути, секогаш е жално да се прими гол, но имавме среќа, мора да бидеме реални, па затоа 1-1 е реален резултат. За нас, ова е добар бод за следната фаза од натпреварувањето. Ова секако ни отвора врата за пласман понатаму, не сме таму за да сметаме по првиот натпревар, но треба да се обидеме да ги добиеме следните натпревари и ќе видиме што ќе се случи“, рече Барбарез.

Босанците ќе го играат својот следен натпревар во четврток во 21:00 часот, а противник на тимот на Сергеј Барбарез ќе биде репрезентацијата на Швајцарија.