Аргентина без два важни играчи против Хрватска поради – суспензии
Маркос Акуња ќе мора да го прескокне мечот со Хрватска поради два жолти картони, еден со Австралија и сега со Холандија, а овој фудбалер е стартер во формацијата на левокрилната позиција. Повеќе од јасно е дека Николас Таљафико ќе биде неговата замена, кој беше стартер на почетокот на СП, но потоа го загуби местото на офанзивниот и претемпераментен Акуња, инаку човекот што го изнуди пеналот вчера со „лалињата“.
Вториот на кој Скалони нема да смета е Гонзало Монтиел, десниот бек на Аргентина и фудбалер на Севилја, кој беше еден од пожолтените против Холандија. Монтиел не е првотимец, зашто таа позиција е за Нахуел Молина, но редовно е алтернатива за десниот бек на Атлетико Мадрид досега на СП.
Скалони со ова останува само со по една опција на левата и десната бековска позиција.