Аларм во Реал: Мбапе завршил во болница!

19 јуни 2025 - 16:12

Францускиот фудбалер Килијан Мбапе бил хоспитализиран во текот на неговиот престој во САД, откако било откриено дека има акутен гастроентеритис, потврдија „кралевите“.

Реал Мадрид соопшти дека Французинот е хоспитализиран и во наредните часови треба да му бидат направени дополнителни тестови.

Мбапе не се почувствувал добро во понеделникот по тренингот на 48 часа пред натпреварот со Ал Хилал и од тогаш не може да тренира, па поради тоа не настапи и во вчерашниот натпревар.

Реал Мадрид одлучил да се држи до протоколите во вакви ситуации и го оставил Мбапе во изолација.

Од кога е во Америка, Мбапе со Реал одработи вкупно два тренинзи и ги пропушти речиси сите останати активности на неговиот клуб. Како што стојат работите, Алонсо сигурно нема да смета на него за натпреварот в недела против Пачука.