Србија со нов селектор на надежите во новиот циклус во групата со Македонија?

Според информациите на српските медиуми, во ФСС веќе е спремна смената, која започна со ангажманот на Драган Стојковиќ – Пикси на кормилото на сениорскиот тим и со ангажманот на легендарниот Стеван „Дика“ Стојановиќ за спортски директор. Сега, според информациите, Столица треба да го замени Звонко Живковиќ, екс-фудбалер на Партизан и со него младинците на „орлите“ да влезат во новиот циклус.

Србија е еден од противниците на Македонија во новиот циклус, покрај првиот фаворит Франција, потоа Украина, Фарски Острови и Ерменија. Според распоредот Македонија и Србија ќе се соочат во Скопје во второто коло од квалификациите, на 7 септември, а вториот меч ќе се игра во Србија на 24 март идната година.

Да е циркузот поголем во српслкиот фудбал околу младата селекција е фактот дека Столица не е ни информиран за евентуалната смена.

„Слушнав за овие информации дека сум сменет, ама добив различни пораки кога доаѓав и не можам ништо да коментирам, а и не сакам додека не добијам нешто официјално. Медиумите некогаш помагаат, некогаш одмагаат, ама кај нас може да биат и реалноста. Затоа подобро сега да не коментирам“, рекол Столица.

Тој од октомври 2019 година беше селектор на младите, а беше и в.д. селектор на Србија откако се одолговлечи премногу ангажманот на Стојковиќ на сениорскиот тим.