Селекторот со едно ново име ќе ги нападне Летонија и Ерменија!

02 октомври 2024 - 11:20

Селекторот на македонската фудбалска репрезентација, Благоја Милевски, денеска го објави списокот со 25 фудбалери, кои ќе влезат во конкуренција за настап на престојните средби против Летонија (10 октомври) и против Ерменија (13 октомври), двете на гостински терен.

Предводникот на „жолто-црвените“ смета на проверени сили, а новитет е повикот на дебитантот Андреј Стојчевски, кој настапува за словачка Жилина. Помеѓу сениорите повторно ќе биде и младиот репрезентативец, Марио Илиевски, кој минатиот месец принудно беше прекомандуван во првиот состав.

На списокот на Милевски се најдоа:

ГОЛМАНИ: Столе Димитриевски (Валенсија), Дамјан Шишковски (Борац Бања Лука), Игор Алексовски (Работнички)

ОДБРАНА: Висар Муслиу (Падерборн), Никола Серафимов (Фехервар), Јован Манев (Адана Демирспор), Езѓан Алиоски (Ал Ахли), Бојан Димовски (Акрон Тољати), Ахмед Иљазовски (Хвидовре), Стефан Ашковски (Шанлиурфаспор), Ѓоко Зајков (Крајова), Андреј Стојчевски (Жилина).

СРЕДЕН РЕД: Енис Барди (Трабзонспор), Јани Атанасов (Краковија), Тихомир Костадинов (Пјаст Гливице), Елиф Елмас (Лајпциг), Исник Алими (Сепси), Давид Бабунски (Данди Јунајтед), Димитар Митровски (Вараждин).

НАПАД: Бојан Миовски (Жирона), Милан Ристовски (Бохемианс 1905), Дарко Чурлинов (Јагиелонија), Александар Трајковски (Хајдук), Лирим Ќамили (Сондерјиске), Марио Илиевски (ЦСКА Софија 1948).