Седлоски го избра стручниот штаб – во него е и стрелецот на првиот гол за Македонија!
Во тимот на селекторот влегуваат неколку добро познати и докажани имиња од домашниот фудбал. Асистентски улоги ќе имаат Борче Христов, актуелен шеф на стручниот штаб на ФК Тиквеш и директор на Центарот за едукација, како и Ерхан Селими, кој досега успешно ја водеше репрезентацијата на Македонија до 19 години. Асистент ќе биде и Зоран Бошковски – Чоко, легендарен напаѓач и стрелец на првиот гол во историјата на македонската сениорска селекција.
Дел од новиот штаб е и поранешниот репрезентативец Ванче Шиков, кој зад себе има 58 настапи во дресот на Македонија, додека за тренер на голмани е назначен Гого Јовчев. За видео-аналитика ќе биде задолжен Мартин Христов, а името на кондицискиот тренер, кој дополнително ќе се приклучи на тимот, ќе биде соопштено во наредниот период.
