Омерагиќ и Пандев купија 400 билети за мечот против Велс

24 март 2025 - 19:13

Македонската фудбалска репрезентација утре ќе се соочи против Велс од 20.45 часот во квалификациите за Светското првенство (СП), а средствата од продадените билети ќе бидат донирани за настраданите во трагедијата во Кочани.

На трибините на Националната Арена „Тодор Проески“ утре се очекуваат околу 20.000 навивачи, а вкупно 400 билети заедно купија претседателот на Фудбалската федерација на Македонија (ФФМ), Масар Омерагиќ и спортскиот директор Горан Пандев.

Натпреварот меѓу Македонија и Велс од второто коло во квалификациите за СП 2026 е закажан за утре од 20.45 часот.