Македонија У19 ги доби противниците во елитните квалификации за ЕП 2024

07 декември 2023 - 11:19

Денеска во Нион беше извршена ждрепката за елитните квалификации за пласман на Европското првенство до 19 години кое ќе се игра во Северна Ирска.

Фудбалската репрезентација на Македонија се падна во групата 7, заедно сме со селекциите на Швајцарија, Украина и Летонија.

Пласман на Европското првенство ќе обезбедат само победниците во седумте групи кои ќе му се приклучат на домаќинот, Северна Ирска.

Натпреварите од квалификациите ќе се играат од 18 до 26 март во турнирски систем.