Маестро Трпчевски: Играта на Македонија да биде течна како музиката од моето пијано!

17 јуни 2021 - 08:19

Еден од најголемите македонски културни амбасадори, чие име предизвикува респект во целиот свет, Симон Трпчевски, синоќа имаше концерт во Букурешт, кој го изведе во дрес и со шал на Македонија во знам на поддршка на фудбалерите на ЕУРО 2020, а по чие завршување упати порака до нив во пресрет на денешниот дуел со Украина (15 часот).

Големиот маестро вели дека спортот и културата секогаш биле блиски и сплотени, поради што на избраниците на селекторот Игор Ангеловски им посвети цел од дел и тоа „Омажот на Едит Пјаф“ од Франсис Пуленк.

„Ова е за нашите фудбалери. Нека вашата игра биде течна како убавината на музиката, како нотите од моето пијано“, порача Трпчевски.

Специјални гости на концертот беа дел од репрезентативците и членовите на стручниот штаб на националниот тим.

„Букурешт овие денови 'гори' од Македонците, а Романците ни се одлични домаќини. Напред Македонија“, порача маестро Симон по концертот.

Дуелот на македонските фудбалери против Романија се игра на „Националната арена“ и е од второто коло од ЕУРО 2020. Тој е клучен за двете селекции за пласман во втората фаза, со оглед што Македонија на стартот загуби од Австрија (1-3), а Украина од Холандија (2-3).